Nevi'im (Prophets) » Joshua (Yehoshua)

וְאֵלֶּה מַלְכֵי הָאָרֶץ אֲשֶׁר הִכּוּ בְנֵי יִשְׂרָאֵל וַיִּרְשׁוּ אֶת אַרְצָם בְּעֵבֶר הַיַּרְדֵּן מִזְרְחָה הַשָּׁמֶשׁ מִנַּחַל אַרְנוֹן עַד הַר חֶרְמוֹן וְכָל הָעֲרָבָה מִזְרָחָה.

סִיחוֹן מֶלֶךְ הָאֱמֹרִי הַיּוֹשֵׁב בְּחֶשְׁבּוֹן מֹשֵׁל מֵעֲרוֹעֵר אֲשֶׁר עַל שְׂפַת נַחַל אַרְנוֹן וְתוֹךְ הַנַּחַל וַחֲצִי הַגִּלְעָד וְעַד יַבֹּק הַנַּחַל גְּבוּל בְּנֵי עַמּוֹן.

וְהָעֲרָבָה עַד יָם כִּנְרוֹת מִזְרָחָה וְעַד יָם הָעֲרָבָה יָם הַמֶּלַח מִזְרָחָה דֶּרֶךְ בֵּית הַיְשִׁמוֹת וּמִתֵּימָן תַּחַת אַשְׁדּוֹת הַפִּסְגָּה.

וּגְבוּל עוֹג מֶלֶךְ הַבָּשָׁן מִיֶּתֶר הָרְפָאִים הַיּוֹשֵׁב בְּעַשְׁתָּרוֹת וּבְאֶדְרֶעִי.

וּמֹשֵׁל בְּהַר חֶרְמוֹן וּבְסַלְכָה וּבְכָל הַבָּשָׁן עַד גְּבוּל הַגְּשׁוּרִי וְהַמַּעֲכָתִי וַחֲצִי הַגִּלְעָד גְּבוּל סִיחוֹן מֶלֶךְ חֶשְׁבּוֹן.

מֹשֶׁה עֶבֶד יְהוָה וּבְנֵי יִשְׂרָאֵל הִכּוּם וַיִּתְּנָהּ מֹשֶׁה עֶבֶד יְהוָה יְרֻשָּׁה לָראוּבֵנִי וְלַגָּדִי וְלַחֲצִי שֵׁבֶט הַמְנַשֶּׁה. {ס}

וְאֵלֶּה מַלְכֵי הָאָרֶץ אֲשֶׁר הִכָּה יְהוֹשֻׁעַ וּבְנֵי יִשְׂרָאֵל בְּעֵבֶר הַיַּרְדֵּן יָמָּה מִבַּעַל גָּד בְּבִקְעַת הַלְּבָנוֹן וְעַד הָהָר הֶחָלָק הָעֹלֶה שֵׂעִירָה וַיִּתְּנָהּ יְהוֹשֻׁעַ לְשִׁבְטֵי יִשְׂרָאֵל יְרֻשָּׁה כְּמַחְלְקֹתָם.

בָּהָר וּבַשְּׁפֵלָה וּבָעֲרָבָה וּבָאֲשֵׁדוֹת וּבַמִּדְבָּר וּבַנֶּגֶב הַחִתִּי הָאֱמֹרִי וְהַכְּנַעֲנִי הַפְּרִזִּי הַחִוִּי וְהַיְבוּסִי. {ש}

מֶלֶךְ יְרִיחוֹ {ס} אֶחָד {ס} מֶלֶךְ הָעַי אֲשֶׁר מִצַּד בֵּית אֵל אֶחָד. {ר}

מֶלֶךְ יְרוּשָׁלִַם {ס} אֶחָד {ס} מֶלֶךְ חֶבְרוֹן {ס} אֶחָד. {ר}

מֶלֶךְ יַרְמוּת {ס} אֶחָד {ס} מֶלֶךְ לָכִישׁ {ס} אֶחָד. {ר}

מֶלֶךְ עֶגְלוֹן {ס} מֶלֶךְ גֶּזֶר {ס} אֶחָד. {ר}

מֶלֶךְ דְּבִר {ס} אֶחָד {ס} מֶלֶךְ גֶּזֶר {ס} אֶחָד. {ר}

מֶלֶךְ חָרְמָה {ס} אֶחָד {ס} מֶלֶךְ עֲרָד {ס} אֶחָד. {ר}

מֶלֶךְ לִבְנָה {ס} אֶחָד {ס} מֶלֶךְ עֲדֻלָּם {ס} אֶחָד. {ר}

מֶלֶךְ מַקֵּדָה {ס} אֶחָד {ס} מֶלֶךְ בֵּית אֵל {ס} אֶחָד. {ר}

מֶלֶךְ תַּפּוּחַ {ס} אֶחָד {ס} מֶלֶךְ חֵפֶר {ס} אֶחָד. {ר}

מֶלֶךְ אֲפֵק {ס} אֶחָד {ס} מֶלֶךְ לַשָּׁרוֹן {ס} אֶחָד. {ר}

מֶלֶךְ מָדוֹן {ס} אֶחָד {ס} מֶלֶךְ חָצוֹר {ס} אֶחָד. {ר}

מֶלֶךְ שִׁמְרוֹן מְרֹאון {ס} אֶחָד {ס} מֶלֶךְ אַכְשָׁף {ס} אֶחָד. {ר}

מֶלֶךְ תַּעְנַךְ {ס} אֶחָד {ס} מֶלֶךְ מְגִדּוֹ {ס} אֶחָד. {ר}

מֶלֶךְ קֶדֶשׁ {ס} אֶחָד {ס} מֶלֶךְ יָקְנְעָם לַכַּרְמֶל {ס} אֶחָד. {ר}

מֶלֶךְ דּוֹר לְנָפַת דּוֹר {ס} אֶחָד {ס} מֶלֶךְ גּוֹיִם לְגִלְגָּל {ס} אֶחָד. {ר}

מֶלֶךְ תִּרְצָה {ס} אֶחָד {ס} כָּל מְלָכִים שְׁלֹשִׁים {ס} וְאֶחָד. {ר}